A Industria Do Sexo e Do Peixe Empanado
Pierrat, Emmanuel
Cansas da precariedade do seu oficio de pescadoras e limita-das por unha sexualidade vilega con escasas alternativas, as xemelgas bretoas Gaëlle e Gwenaëlle, con dezaoito anos acabados de facer, acordan viaxar a París co obxectivo de se internaren nas prácticas sexuais da modernidade. Será Yann, un seu curmán afastado, o que se encargue de lles facer de cicerone polos máis senl...
Sinopsis
Cansas da precariedade do seu oficio de pescadoras e limita-das por unha sexualidade vilega con escasas alternativas, as xemelgas bretoas Gaëlle e Gwenaëlle, con dezaoito anos acabados de facer, acordan viaxar a París co obxectivo de se internaren nas prácticas sexuais da modernidade. Será Yann, un seu curmán afastado, o que se encargue de lles facer de cicerone polos máis senlleiros antros do vicio, aínda que as expectativas de ambas as irmás non han resultar doadas de satisfacer. Ben lle acaería a esta historia a etiqueta de novela de formación se non fose porque subverte o concepto máis clásico, pois este bou patroneado por mans femininas navega polas augas da Bretaña arquetípica, da pesca, do sexo, da pornografía e das parafilias, na procura de coñecementos empíricos.
Fábula e sátira social con truculentos episodios eróticos e un ton que abala entre o cómico e o florido, o relato integra ademais unha visión irónica sobre o sexo e a sociedade, abrindo un conxunto de incisivas suxestións que complican calquera clasificación. A industria do sexo e do peixe empanado non atoparía mellor acubillo ca nesta colección que dispara contra o manido.
Comentarios
Sé el primero en comentar este libroArtículos relacionados
