"Paleontoloxía" é un ritual de invocación, unha homenaxe póstuma coa que a autora nos achega a paisaxe da súa infancia e os clarescuros da súa orixe. Co traxe de arqueóloga posto, escarva nos ósos dos seus devanceiros e desenterra as raíces da súa poética. Asistimos neste libro a un fermoso paseo por unha orografía familiar onde o home traballa na madeira, a muller escorbella verduras e a nena observa. Esta tríade invítanos a atravesar o limiar dun espazo atemporal onde todo é posible. Os avós poñen a lingua, a neta a palabra.
