Baldonio , o todopoderoso conde e bispo de Nerbia , é un compendio de todos os vicios existentes , mesmo ten un pequeno diaño que convocou dos infernos . En consecuencia , o seu comportamento leva o papado e os señoríos veciños a sitiar a cidade para provocar a caída do tirano . A partir dese momento , para salvar o pelello, Baldonio decide facerse o arrepentido e peregrinar a Roma na procura do perdón do papa , vaixe na que o acompañará o seu sobriño Finamor . Porén , a marcha do bispo herexe , simoníaco e promiscuo , some a cidade de Nerbia nun enorme caos onde non faltan intrigas , loitas de poder , campesiños enrabechados e , como non , o duque de Exipto , tamén chamado Plutón Barrabás , misterioso personaxe que aparece e desaparece a vontade e que dun xeito ou outro , vai guiando os destinos de Nerbia .
