Rastros
Lixó, Carlos
Unha muller do Paleolítico discute co seu clan se un bebé sen pelo merece vivir. Un cabaleiro franco redacta unha doazón solemne para lle asegurar a casa, as vacas e unha pedra milagreira ao home a quen ama. Un mozo de hoxe, en Santiago de Compostela, busca sexo sen preservativo baixo a protección química das pílulas mentres tenta persuadirse de que o medo tamén pode ser un sis...
Sinopse
Unha muller do Paleolítico discute co seu clan se un bebé sen pelo merece vivir. Un cabaleiro franco redacta unha doazón solemne para lle asegurar a casa, as vacas e unha pedra milagreira ao home a quen ama. Un mozo de hoxe, en Santiago de Compostela, busca sexo sen preservativo baixo a protección química das pílulas mentres tenta persuadirse de que o medo tamén pode ser un sistema filosófico En Rastros, Carlos Lixó percorre milenios e xeografías para construír unha arqueoloxía imaxinaria do desexo. Convértese nun falso editor de documentos -cartas feudais, actas inquisitoriais, crónicas de conquista, lendas, diarios contemporáneos- percorridos por un mesmo fío invisible: a violencia normativa sobre os corpos desviados e a maneira en que a historia os ordena e os castiga. Cada un dos relatos que compoñen este libro é unha peza autónoma e ao mesmo tempo unha cámara dun único arquivo imposible e asombroso. Cunha prosa afiada e brillante, sen concesións nin solemnidade, o autor propón un xogo serio no seu extraordinario debut na narrativa: volver ler o que sempre estivo escrito para procurar aquilo que preferimos non ver.
Comentarios
Queres ser o primeiro en comentar este libro?Artículos relacionados
