Autoría: Eric-Emmanuel Schmitt
Traducción: Emma Lázare Rodríguez
Sinopsis: Momo é un adolescente xudeu, desorientado e orfo do agarimo dos seus pais. Ibrahim é un tendeiro musulmán, de carácter reflexivo e pausado, cunha visión da vida marcada pola perspectiva e a experiencia dos anos. Dous habitantes solitarios da rúa Azul, no París dos anos 60, que traban unha entrañable amizade que trascende as súas respectivas crenzas. Un aporta vitalidade, o outro sabedoría... Máis que unha novela, un conto iniciático que apela ao multiculturalismo, a tolerancia e o entendemento entre iguais. A súa lectura reconforta e fortalece a nosa precaria confianza na especie humana. Partindo dunha relación pseudopaternal entre os protagonistas, este relato sinxelo e áxil ábrenos a porta á reflexión esperanzadora sobre o futuro do mundo no que vivimos. Ilustración de portada: Marc Taeger
