A Nena de Xeo
Sumai, Anxos
Ilustracións de Minia RegosNun recanto do gran Glaciar onde só se escoitan estalidos, murmurios de xeadas e o tenue ruído das fendas que se abren paso entre os montes brancos, nace Catarina, unha nena de xeo.A aparición inesperada dun agasallo fortuíto da natureza, en forma de froito, racha a rutina e presaxia un cambio inusitado na vida da protagonista. A imaxinación literaria...
Sinopse
Ilustracións de Minia Regos
Nun recanto do gran Glaciar onde só se escoitan estalidos, murmurios de xeadas e o tenue ruído das fendas que se abren paso entre os montes brancos, nace Catarina, unha nena de xeo.
A aparición inesperada dun agasallo fortuíto da natureza, en forma de froito, racha a rutina e presaxia un cambio inusitado na vida da protagonista. A imaxinación literaria de Anxos Sumai unida ás asombrosas ilustracións de Minia Regos dan forma a este libro. Xuntas elaboran unha narración que esperta a curiosidade e convida a deterse para gorentar as súas páxinas.
Un álbum para mirar devagar, agardar a que se derreta nas mans... e deixar que rexurda na memoria.
O regreso de Anxos Sumai á literatura cunha obra nova. A autora de Anxos da garda, Así nacen as baleas (Premio Repsol e Premio San Clemente, 2007) e A lúa da colleita (Premio García Barros, 2013). Escritora senlleira e narradora dunha orixinalidade e estilo inesquecibles, vólvenos engaiolar cun mundo narrativo inimitable. Acompañada polas ilustracións de Minia Regos, ambas as dúas acaban por configurar un libro cheo de matices e suxestións sobre a infancia, o emprego literario da imaxinación e a súa pegada nunha narrativa que nos devolve a capacidade de mirar dun outro xeito a realidade.
Un equipo editorial coordinado por Beatriz Fraga traballou durante seis meses na preparación do orixinal escrito por Anxos Sumai e ilustrado por Minia Regos. O álbum A nena de xeo sae do prelo como mostra do traballo colaborativo realizado pola maquetadora Raquel da Riba e as persoas voluntarias do Programa de Edición e de Euseino? Social Uxía Felpeto, Laura Molinos, Clara Jorge Blanco e Yaiza López Vilas.
Logo da entrega do orixinal pola autora e do traballo de ilustración levado a cabo por Minia Regos, realizouse a lectura e a revisión combinada con varias propostas de posta en páxina, tanto tipográficas coma de deseño. A lectura editorial supervisouna Anxos Sumai, en constante relación co equipo de redacción e edición coordinado por Beatriz Fraga.
O obxectivo do proceso editorial, ademais de ter como finalidade a publicación do libro, implicaba a realización dun traballo colaborativo entre a autoría literaria e plástica e o equipo editorial que se encargou da corrección, revisión, maquetación e planificación da difusión de A nena de xeo, cun coidado especial posto en que edición, fabricación e difusión se adapten ás características estéticas da obra e sirvan a todas as persoas participantes como experiencia da simbiose entre a parte autorial e a editorial.
Comentarios
Queres ser o primeiro en comentar este libro?Artículos relacionados
Outros libros do autor
