Cordadas. Trasnadas Camiño Do Cumio!
Un xogo de cartas de escalada e alpinismo.Imaxina que es unha intrépida alpinista ou escalador que forma parte dunha famosa cordada, tes un contrato cun importante patrocinador que só poderás cobrar se cumpres un obxectivo: chegar ao cumio levando todo o material que precises para completar a túa vía. Escalada clásica, alpinismo, escalada deportiva... hai moito material diferen...
Descrición
Un xogo de cartas de escalada e alpinismo.
Imaxina que es unha intrépida alpinista ou escalador que forma parte dunha famosa cordada, tes un contrato cun importante patrocinador que só poderás cobrar se cumpres un obxectivo: chegar ao cumio levando todo o material que precises para completar a túa vía. Escalada clásica, alpinismo, escalada deportiva... hai moito material diferente para cada tipo de actividade, conségueo para rematar o xogo. Pero... coidado! O resto das xogadoras tamén queren acadar fama mundial e chegar os primeiros, polo que atoparás múltiples obstáculos no teu camiño.
Cordadas é un xogo de cartas de 2 a 6 xogadores cheo de trasnadas, homes mortos e fenómenos meteorolóxicos adversos que se interporán entre ti e o cumio. Aínda que sexa de temática montañeira, calquera pode xogar xa que se basea nun código de cores e símbolos. A 1ª edición do ano 2023 foi bilingüe, en galego e castelán. Tras vender unhas 1000 copias en menos dun ano, en xuño de 2024, saíu á venda a 2ª edición na que se engadiu tamén o inglés.
Ademáis dunha nova lingua, a 2ª edición de Cordadas inclúe varias melloras a nivel deseño e a adaptación do xogo a persoas con dificultades para distinguir as cores.
Comentarios
Queres ser o primeiro en comentar este libro?Artículos relacionados
