Xeografía Real e Mítica Das Augas de Galicia
De Francisco Da Rocha, Gonzalo Xosé
Gonzalo de Francisco, autor tamén da guía Orientarse pola Ribeira Sacra. Viaxe ao interior editada por Baía Edicións, salienta na introdución do presente ensaio, subtitulada "Recrearse nas lindeiras acuáticas. Viaxe ao Alén", que a costa galega, orixinal pola súa especial configuración en innumerables cabos, rías, areais, xunqueiras, acantilados e baías resulta especialmente pr...
Sinopse
Gonzalo de Francisco, autor tamén da guía Orientarse pola Ribeira Sacra. Viaxe ao interior editada por Baía Edicións, salienta na introdución do presente ensaio, subtitulada "Recrearse nas lindeiras acuáticas. Viaxe ao Alén", que a costa galega, orixinal pola súa especial configuración en innumerables cabos, rías, areais, xunqueiras, acantilados e baías resulta especialmente propicia neste encontro da terra e o mar, do sólido e o líquido, do concreto e o difuso, do aquén e o alén. Hoxe constitúe o espazo máis humanizado do país e desde o remoto pasado foi lugar de contacto do propio e o foráneo da mesma maneira que o camiño a Compostela propiciou a fusión e mestura de circunstancias diversas nun froito que foi sempre enriquecedor. Trátase de regresar a esa zona sutil, aparentemente tan coñecida, para obter a ánima exacta do presente, entendida no duplo sentido de momento actual pero tamén de regalo, que non debe ser desbotado sen interese nin sentimento.
(...)
A contemplación do acuático leva á sensación do líquido, e a auga e as súas manifestacións van ser protagonistas da obra. Nela están recollidos símbolos universalmente compartidos, sobradamente do amor espiritual e carnal e outros aspectos que dan sentido ao título deste limiar que tamén marca un límite e unha porta franca para acceder ao coñecemento importante que aquí está presente. Nas profundidades imaxinativas do Sinbad de Cunqueiro, nun momento dado, o nauta manifesta que "...o mar está por estudar...". Da mesma maneira que os viaxeiros asomados no cabo de São Vicente, con silencio contido ante o misterio, adiante cara ao Alén.
Texto de Manuel López Torrente na presentación do 8 de maio de 2010 na Feira do Libro de Santiago de Compostela. Ver
Comentarios
Queres ser o primeiro en comentar este libro?Artículos relacionados
Outros libros do autor
