Estamos ante un libro instrutivo, ameno, ben estruturado e de grande atractivo visual. Comeza situando o público ante os diversos grupos do Reino Animal, con exemplos de cada un.
Por terra, mar e aire, de norte a sur e en todos os continentes, selecciona unha serie de especies e ofrece información ben dosificada sobre as súas características, localización e costumes, centrándose especialmente na forma de obter alimento.
Dende a superlingua do oso formigueiro, ata os dentes
coma coitelos da piraña, pasando pola anatomía imposible do ornitorrinco ou o aspecto primitivo da lamprea, esta obra ábrenos as portas ao fascinante mundo da fauna.
Bocas é o primeiro volume da serie Animais Extraordinarios, ao que seguen Nacer (Selección Los + 2009 - Fundación Germán Sánchez Ruipérez), Construtores (Selección Los + 2010 e Premio Ánxel Casal de Non-Ficción 2010), Ocultos e Ollos.
Publicacións recomendadas para o ámbito escolar e para lectores interesados no medio ambiente; libros que sorprenden pola información asequible e interesante que ofrecen, ademais das súas espectaculares ilustracións naturalistas.
