Esta segunda edición da "guia micolóxica básica da provincia de Lugo" mantén a vocación de ser unha ferramenta de utilidade para aqueles afeccionados que queren iniciarse no apaixonante mundo da macromicoloxía en xeral e da lucense en particular. Denominase "básica" xa que é principalmente unha guía de iniciación, pero cunhas rigorosas e claras descricións de gran utilidade tamén para especialistas, e "básica" tamén pois os autores dan unha grande importancia aos conceptos básicos que todo afeccionado debe coñecer e interiorizar como piares fundamentais para avanzar con seguridade no coñecemento do mundo dos fungos.
A guia iniciase cun capitulo dedicado á provincia de Lugo, as súas caracteristicas climáticas e a súa riqueza en espazos e sistemas variados que se traduce nunha espectacular diversidade. Despois dos fundamentais capitululos sobre conceptos básicos sobre fungos, i¡dentificación, toxicidade e comestibilidade, na parte desciptiva inclúense fichas fotográficas con minuciosas descricións de 202 especies, frecuentes a maioria, mais tamén outras raras pero caracteristicas dalgúns dos micotopos da Provincia,
e nas observacións das fichas coméntanse ata 384 especies máis. Finalmente, nos anexos, abórdase un apartado imprescindible sobre lexislación, unha sinopse bibliográfica e un amplo e completo glosario.
Unha obra divulgativa clara e comprensible, pero con contidos igualmente completos e rigorosos.
