AA.VV
O texto e as fotografías diste libro foron publicadas en 1988 nun libro-imaxe co que a editorial Ir Indo iniciaba unha serie de cidades e vilas pensadas desde nós, evitando así que interpretacións foráneas espuxeran os tópicos cos que nos viñan mostrando e definindo.
Vigo, fronteira do alén, reflexa como X. L. Méndez Ferrín (texto) e Xulio Gil (fotografías) vían como era Vigo fai máis de trinta anos. "Esta cidade, di Méndez Ferrín no prólogo, sendo a máis dinámica das galegas, muda con moita rapidez de fisionomía aínda que non de espírito. E, o que foi descrito, desaparece ou é transformado de xeito irrecoñecíbel na pintura ou relato. O presente libro lanza unha rápida ollada ao termo municipal de Vigo. E a fotografía fica para sempre fixa no 28 de Febreiro de 1988. Polo tanto, a cidade e a paisaxe marítima e rural que se representa mudou no tránsito aos nosos días presentes".
