TO BA'EMMA THN EIP'HNH / A OLLADA DE EIP'HNH

TO BA'EMMA THN EIP'HNH / A OLLADA DE EIP'HNH

IRENE PIN

14,00 €
IVA incluido
En stock
Editorial:
URUTAU
Año de edición:
2021
Materia
Poesía en galego
ISBN:
978-65-5900-025-8
Encuadernación:
Rústica

A ollada de EIP'HNH intérnase no corazón real de Europa. Aquí o continente non é ese territorio repeiteado, descrito como apoteose de todas as virtudes e exemplo do que pode a humanidade conducida pola burguesía. Aquí Europa, pola contra, é toda esta violencia, a dimensión militar da súa existencia, unha orxía da idea e a práctica de fronteira, a economía política da expulsión. O seu rostro aparece desvelado, a guerra é o seu horizonte ético. Celso Emilio Ferreiro no frontispicio, poemas alimentados de rabia e remorso, neles hai nomes e apelidos e a cualidade básica, política, da compaixón.

***

A ollada de EIP'HNH sabe que o mundo é ancho e terríbel. Sabe que o mundo non remata en si mesmo: a poesía como antídoto contra o solipsismo. A historia condénsase e o poema combate con honor contra a actualidade. “Saberás que cada tempo / debe erguerse contra si mesmo”, escribe Irene Pin en Exharhia.

***

A ollada de EIP'HNH atoutiña. Dubida, intenta. Non impón. Indetermínase. Contrario á lóxica do lucro, á procura dunha solidariedade alén do humanitarismo, arrasado pola enerxía cegadora da vida material -rostros, un campo de refuxiados, o terrorismo neoliberal, o propio corpo solitario-, en fuga respecto da hipocrisía organizada, dá no beco sen saída en que se atopa o movemento real que abroga o estado de cousas existente. Pero a vella toupeira sempre segue a fozar e iso nutre, tamén, o poema.

***

Ningún corazón indemne, ningún contarse contos. A poeta traza tamén unha crónica da derrota das nacións. Grecia funciona como disparador. É concentración de ruínas do liberalismo realmente existente e núcleo da Europa culpábel, alfombra pola que o imperialismo se desprega e o intre en que todo estoupa. Sobre ese campo de batalla, os poemas testemuñan, fan constar. Arremeten. Inscriben unha experiencia e póñena en cuestión. Sen medo ao prosaísmo, sen medo a que ninguén nin nada entre e saia deles. Os poemas respiran, son carne da carne.

***

Hai na A ollada de EIP'HNH unha conciencia en crise e ese é talvez o fundamento da poesía. Nada resulta seguro, ás verdades pola incerteza. Porén, existe a presenza do outro e a súa imprecación moral. Existen as condicións obxectivas da acumulación e a pel ferida. Existen o país natal e a desaparición da chuvia e a terra de ninguén. Os centros sociais autoxestionados e o frío histórico. Tres flores sen nome coñecido ao bordo do cantil. A destrución do horizonte e un azul tan intenso que manca. Existe o mar, inconcibíbel, e ao norte, os anacos rotos dun espello. A poesía, ao cabo, tamén é un reconto de danos. É a linguaxe cando se atreve a responder á pregunta de Virxilio e afirmar, así, que o sol engana.

Daniel Salgado

Artículos relacionados

  • OBSCURA ANATOLIA
    JOSÉ ANTONIO LOZANO
    No disponible en este momento

    12,00 €

  • ALEGRIA QUE EMANA DESPIS DO CATIVERIO, A
    VARIOS
    VIII Obradoiro Internacional de Tradución Poética en San Simón ...
    En stock

    10,00 €

  • POESIA GALEGA REUNIDA(1991-2017)
    NOVO, ISIDRO
    Escritor outsider, malia constituír un dos poetas máis arriscados e fulgurantes de Galicia,tal e como o definiu Román Raña, Isidro Novo resultou practicamente esquecido polo relato oficial e as antoloxías poéticas. Posuidor dunha lírica orixinal e moderna, foi acaso máis coñecido pola súa, tamén arriscada, escrita narrativa, con títulos tan sobranceiros coma Carne d...
    En stock

    23,00 €

  • O ABECEDARIO NO PAÍS DAS ALVARIZAS
    PARDO DE NEYRA, XULIO
    O Abecedario no país das alvarizas é a presentación do autor no eido da poesía , recollendo un volume de textos onde en dúas seccións , seguindo as letras e os dígrafos do abecedario , a voz poética do lugués retrata un espazo con vocación de apertura mais amurado polas teas que cinxen unha alvariza . Dentro deste edén derruido semella seguir a se ouvir o voo das abe...
    No disponible en este momento

    11,90 €

  • A POESÍA DO RETRATO
    XELA ARIAS / XULIO GIL
    Máis de 40 retratos realizados por Xulio Gil en diferentes épocas de Xela Arias, combinados cunha escolma dos seus versos, configuran este traballo acompañado de sendos estudos de Xosé Enrique Acuña e Marga do Val. ...
    En stock

    20,00 €

  • TIGRES COMA CABALOS
    ARIAS, XELA / GIL, XULIO
    En stock

    29,00 €