Quedarán lectores aos que a fortuna nunca os trouxera a desfrutar de Mondoñedo? Se tal suposto fose certo deberían devecer por descubrir e coñecer as peculiaridades histórico-culturais que converteron Mondoñedo no faro e espello da cultura galega. Manter vivo este tesouro precisa do esforzo do pobo e das autoridades competentes que, polo cargo que ostentan, deben ser sentinelas responsables de que o motor cultural non se pare nin se perda.
